Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Елордада алимент төлемеген борышкер пәтерін баласына берді

2021 жылдың 15 сәуір 2021 17:31

НҰР-СҰЛТАН. ҚазАқпарат – Елордада алимент төлемеген борышкер өз баласына пәтерін жазып берді, деп хабарлайды ҚазАқпарат Нұр-Сұлтан қаласының Жеке сот орындаушылар өңірлік палатасының баспасөз қызметіне сілтеме жасап.

«2020 жылғы 19 наурызда А. есімді азаматтан К. есімді азаматшаның пайдасына жалақының және өзге де табыстың 1/4 бөлігі мөлшерінде алимент өндіріп алу туралы атқарушылық іс қозғалды. 2020 жылдың 1 шілдесіндегі берешек 3 406 648 теңгені құрады. Қарызды өтеу есебіне биылғы жылдың сәуір айында борышкер өндіріп алушының меншігіне Ақтөбе қаласының Астана аудандағы Тәуелсіздік даңғылында орналасқан бір бөлмелі пәтерді берді», - деді Нұр-Сұлтан қаласы өңірлік палатасы басшысының орынбасары Мадина Жанасаева.

Мадина Жанасаеваның айтуынша, өндіріп алушы алименттен бас тартқан жоқ, борышкер кез келген жағдайда бала кәмелет жасына толғанға дейін алимент төлеуді жалғастыратын болды.


Жоғары қарай