Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Елордада бір күнде екі бала терезеден құлап кетті

2021 жылдың 21 шілде 2021 13:26

НҰР-СҰЛТАН. ҚазАқпарат – Елордада бір күнде екі бала үйдің терезесінен құлап кеткен, деп хабарлайды ҚазАқпарат Нұр-Сұлтан қалалық Полиция департаментінің баспасөз қызметіне сілтеме жасап.

20 шілде күні полицияға көптеген жарақат алған 2 жасар сәбидің қалалық балалар ауруханасына түскені туралы хабар келген. Күндізгі уақытта баланың анасы қызын үйде жалғыз тастап, дүкенге шығып кеткені анықталды. Ашық қалған терезенің алдына тырмысып шыққан бала москит торына тіреліп, содан кейін 4 қабаттың терезесінен құлап кеткен.

Дәл сол күні 1-қабаттың балконынан 4 жасар бала құлап кеткен. Абырой болғанда, бала ауыр жарақаттар алмаған. Пәтерде бүлдіршін үлкендермен бірге болған. Оның ата-анасы ас үйде тамақ ішіп жатқанда, бала келесі бөлмеде ойнап отырған.

Полицияда атап өткендей, жыл басынан бері елордада көп қабатты үйлердің терезесінен 13 бала құлап кеткен, біреуі көз жұмған.

Басты сөздер: Оқиға, Нұр-Сұлтан,
Жоғары қарай