Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Елордада «Біз жолда қауіпсіздікті қолдаймыз!» автошеруі өтті

2021 жылдың 23 мамыр 2021 20:41

НҰР-СҰЛТАН. ҚазАқпарат – Бүгін елорданың орталық көшелерімен «Біз жолда қауіпсіздікті қолдаймыз!» атты автошеру өтті, деп хабарлайды ҚазАқпарат тілшісі.

Жергілікті полиция қызметі басқармасы «Road brothers MCC Kazakhstan» байкерлер клубымен бірге ұйымдастырған іс-шараның мақсаты - жол-көлік оқиғасының алдын алу және жолын кесуге қоғамның назарын аудару. Автошеруге эвакуатормен авариялық жағдайдағы көліктер, сондай-ақ, апаттардың алдын алуға арналған билбордтары бар автобустар, Полиция департаментінің мотоцикл жүргізушілері мен танымал байкерлер қатысты.











Автошеру «Бәйтерек» монументінде аяқталып, сол жерде «Жолда қабылдау» акциясы жүргізілді. Іс-шара барысында елорда тұрғындары мен қонақтары көкейкесті мәселелер бойынша жедел түрде полициямен тікелей байланыса алды.

Айта кетерлігі, жыл басынан бері елордада 188 жол-көлік оқиғасы тіркеліп, соның салдарынан 7 адам қаза тапты және 200 адам түрлі деңгейде дене жарақатын алды.











Жоғары қарай