Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Елордада демалыс күндергі жәрмеңкелер қараша айына дейін жалғасады

2021 жылдың 18 мамыр 2021 22:04

НҰР-СҰЛТАН. ҚазАқпарат – Нұр-Сұлтан қаласында демалыс күндері өтетін жәрмеңкелер қараша айына дейін жалғасады, деп хабарлайды ҚазАқпарат.

Биылғы ауылшаруашылық жәрмеңкелерінің ең алғашқысы өткен демалыс күні Сарыарқа ауданында өтті. Қосшығұлұлы, 14 мекенжайында жұртшылық азық-түлік өнімдерін нарық құнынан төмен бағамен сатып ала алды. Жәрмеңке әр сенбі және жексенбі сайын қараша айына дейін өтеді.

«Осы демалыс күндері Сарыарқа ауданында кезекті ауылшаруашылық жәрмеңкесі басталды. Мұнда тауар өндірушілер өз өнімдерін алыпсатар делдалдарсыз сата алады. Сол себепті азық-түлік бағасы арзан күйде саудаланады. Қала тұрғындарына қажетті азық-түлік өнімдерінің бәрі ұсынылған: ет, сүт өнімдері, көкөніс, май, жарма, бал секілді түрлі өнімдер бар», - деді жәрмеңке ұйымдастырушысы Айтуған Күзербаев.

Жәрмеңкеге Ақмола, Шығыс Қазақстан, Жамбыл облыстарының ауылшаруашылық тауар өндірушілері және Нұр-Сұлтан қаласының кәсіпкерлері қатысуда. Барлық өнімнің сапа сертификаты бар.


Басты сөздер: Қоғам, Нұр-Сұлтан,
Жоғары қарай