Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Елордада ертең қар жауады - Қазгидромет

2021 жылдың 26 қыркүйек 2021 16:01

НҰР-СҰЛТАН. ҚазАқпарат –Қазгидромет 27 қыркүйекте бірнеше өңірде ауа райына байланысты ескерту жариялады, деп хабарлайды ҚазАқпарат.

Нұр-Сұлтан қаласында жауын-шашын күтіледі (жаңбыр қарға ауысады). Шығыстан жел соғады, екпіні 15-20 м/с жетеді.

27 қыркүйекте Маңғыстау облысында оңтүстік-батыстан жел соғады, облыстың солтүстігінде 15-20 м/с күтіледі.

Түркістан облысының солтүстігінде және батысында шаңды дауыл соғады. Батыстан жел соғады, облыстың басым бөлігінде күші 15-20, таулы аудандарда екпіні 25 м/с. Облыстың басым бөлігінде төтенше өрт қауіпі сақталады.

Шымкент қаласында батыстан соғатын желдің екпіні 15-20 м/с жетеді.

Павлодар облысының оңтүстігінде, шығыстан жел 15-20 м/с жылдамдықпен соғады.

Қарағанды облысында шығыстан, оңтүстік-шығыстан жел соғады, түнде облыстың солтүстігінде және орталығында екпіні 15-20 м/с, күндіз облыстың басым бөлігінде 15-20, екпіні 23 м/с күтіледі.


Жоғары қарай