Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Елордада Халықаралық балаларды қорғау күні қалай атап өтіледі

2021 жылдың 31 мамыр 2021 20:55

НҰР-СҰЛТАН. ҚазАқпарат - 1 маусым — Халықаралық балаларды қорғау күні елордада бірқатар іс-шара, соның ішінде көрмелер, байқаулар, ашық аспан астындағы ойындар, спорттық жарыстар секілді түрлі жиындар өтеді, деп хабарлайды ҚазАқпарат.

Іс-шаралар бағдарламасын қала әкімдігі ұсынды.

1 маусым күні әл-Фараби атындағы оқушылар сарайы «Талисман детства» атты ертегі кейіпкерлерінің қатысуымен театрландырылған қойылымға шақырады.

Бұл күні Астаналық циркте «Туған жер» балалар-жасөспірімдер студиясының мерекелік концерті өтеді.
«Жетісу» саябағында Есіл ауданының балалары арасында «Көңілді старттар» өткізіледі.

Ал №2 өнер мектебі «Яркие краски детства» атты сәндік-қолданбалы шығармашылығынан шеберлік сабағын өткізеді.

Сонымен қатар, мерекеге орай елордада жас тұрғындар арасында «Балалар фестивалі» жоспарланып отыр.

№3 Балалар музыка мектебі «Сәлем, жаз!» іс-шарасын ұйымдастырады.

«Жерұйық» саябағында Ділнұр Біржанованың қатысуымен «Туған жер» балалар-жасөспірімдер студиясы хорының өнерін тамашалауға болады.

«АЛЖИР» саяси қуғын-сүргін құрбандарының мемориалды-мұражай кешені 1 маусым күні «Карлаг туралы ақиқат» онлайн-көрмесін өткізеді.
Балалар көркемсурет мектебінде, №2 музыка мектебінде «Тәуелсіздік ұрпағы» бейнелеу және сәндік-қолданбалы өнер жанрындағы үздік арт-нысанға балалар арасында халықаралық байқау өтеді.

Сонымен қатар, №1 өнер мектебі «Қош келдің, көңілді жаз!» шығармашылық жұмыстар көрмесін өткізеді.

Мектептер жанындағы лагерьлердің жазғы алаңында «Балаларға жер шарын сыйлайық!», «Балалардың күлкісі – көркі, сәні әлемнің!» мерекелік шарасы өтеді.

«Шығыс» БЖО мерекеге орай «Арқа алаңы» орталығында «Жас ұрпақ — жарқын болашақ!» атты ұлттық ойындардан жарыс өткізеді.

Сонымен қатар, балаларға елорданың көрікті жерлерін көрсету үшін «Red Bus» екі қабатты автобус экскурсиясы жұмыс істейді.

Зағип және нашар көретін азаматтарға арналған мамандандырылған кітапхана «Жазудың әсем бояулары» атты суреттер байқауына қатысуға шақырады.

№1 Балалар музыка мектебі «Айналайын баладан» музыкалық көңіл-күй сыйлайды.

Балалар-жасөспірімдер туризм және өлкетану орталығы мереке күні «Туристік отбасы» шарасын квест (аспалы өткелден өту, скалодромға шығу, арқан саябағынан өту) арқылы ұйымдастырады.

Бұдан бөлек, «Железнодорожный» тұрғын алабында техникалық шығармашылық орталығының филиалы - мотокрос және «Ашық аспан астындағы шығармашылық» атты әуе жыландарын ұшыру бойынша көрсетілім өткізеді.

Орталықтандырылған қалалық кітапханада «Балалық шақ әлемі — ертегі әлемі» танымдық байқауы өтеді.

«Бақытты балалық шақ» мерекелік бағдарламасын өмірлік қиын жағдайдағы балаларды қолдау орталығы да дайындайды. Ойын бағдарламасында бейнеқұттықтаулар челленджі, «Сәлем, жаз!», балалар шығармашылығының көрмесі, «Балалардың арман әлеміндегі асфальтты кескіндеме» суреттер байқауы, «Балалық шақ еліне саяхат» квест-ойыны өткізіледі.

«SOS Астана балалар ауылында» «Сиқырлы балалық шақ елі» жазғы алаңында дәстүрлі концерттік бағдарлама ұйымдастырылады.

Елордалық мектептер де шетте қалмай, қызықты бағдарламалар дайындады. Атап айтқанда, №6 мектеп-гимназиясында «Жер шарының балалары бейбіт әлемде өмір сүруі тиіс» асфальтқа сурет салу байқауы, №85 мектеп-лицейінде «Өлкенің гүл жайнаған балалары» концерті, ал қыздарға арналған «Білім-инновация» лицейінде «Балалықпен қоштасуға асықпа» әдеби көрмесі өтеді. №27 мектеп-лицейі «Балалық шақ елі» өлең, ән, сурет, би және құттықтауларын дайындайды, №31 мектеп-гимназиясы «Менің бақытты балалық шағым» атты балалар фотосуреттерінің конкурсын өткізеді.

№3 мектеп-гимназиясында #живаяигра «Игры нашего детства» шарасы, ал №79 мектеп-лицейінде «Көңілді балалар бүкіл планетада өмір сүруі тиіс» ойын-сауық бағдарламасы өтеді. М.Өтемісов атындағы Оқушылар сарайында ағаш кесу, бейнелеу өнері, каратэ, брейк данс, шахмат бағыттарының шеберлері бас қосады. Сол күні әл-Фараби атындағы Оқушылар сарайында қалалық «Нұр-Сұлтан — дебат қаласы» дебат турнирінің финалдық зияткерлік ойыны өтеді.

Айта кету керек, іс-шаралардың бәрі санитарлық нормалар мен талаптарды қатаң сақтай отырып өтеді. Олардың көпшілігін әлеуметтік желілердегі мәдениет және білім беру мекемелерінің ресми парақшаларында, сондай-ақ телеарналар эфирінде онлайн көруге болады.


Басты сөздер: Қоғам, Нұр-Сұлтан, Мәдениет,
Жоғары қарай