Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Елордада мерекелік театр кеші өтеді

2022 жылдың 26 наурыз 2022 11:41

НҰР-СҰЛТАН. ҚазАқпарат – Ертең халықаралық театр күні. Айтулы мереке күні Нұр-Сұлтан қаласындағы Қ. Қуанышбаев атындағы театрда мерекелік кеш өтеді, деп хабарлайды ҚазАқпарат тілшісі.

Халықаралық театр күніне арналған концерттік бағдарлама аясында «Қаллеки тынысы» премьералар апталығының қорытындысы бойынша марапаттау рәсімі өтеді. Мерекелік кештің режиссері - Олжас Жақыпбек.

«Қаллеки тынысы» атты премьералар апталығы «27 наурыз – халықаралық театр күні» мерекесіне орай өтіп отыр.

Апталық 13-20 наурыз күндері аралығында өтіп, театр сарапшылары мен көрермендер назарына 2021-2022 жылдары сахналанған жаңа қойылымдар ұсынылды.

Театртанушы, өнертану магистрі Мирас Әбіл, театртанушы, PhD докторы Нартай Ескендіров, өнертанушы-журналист Назерке Жұмабай, театртанушы, драматург Қуат Ежембек, театртанушы Балжан Бекмағамбетова спектакльдерді толық талдау жасап, үздіктері анықталды.

Айтулы мерекелік шара 27 наурыз күні сағат 17:00-де Қ.Қуанышбаев атындағы мемлекеттік академиялық қазақ музыкалық драма театрында өтеді.


Автор Әли Ибраев
Басты сөздер: Нұр-Сұлтан, Мәдениет, Театр,
Жоғары қарай