Ауа райы
Астана -5 °С
Алматы -4 °С
валюта бағамы
USD 432.55
EUR 470.83
RUB 5.84
CNY 61.31

Елордада тағы бір іргелі мешіт ашылды

2019 жылдың 5 шілде 2019 18:48

НҰР-СҰЛТАН. ҚазАқпарат - Бүгін қасиетті жұма күні Нұр-Сұлтан қаласындағы сапаржай мен ескі темір жол маңынан жаңа мешіт ашылды. Жаңа мешітке «Рахымқызы Раиса ана» деген атау берілді, деп хабарлайды ҚазАқпарат тілшісі.

Қазақстан мұсылмандары діни басқармасының мәліметінше, бұл - елордада есігін айқара ашқан 11-ші мешіт. Жеке мердігердің көмегімен салынған құлшылық орнының ашылуына ҚМДБ төрағасы, Бас мүфти Серікбай қажы Ораз қатысып, жиылған жұртшылық алдында мешіт салудың сауабына тоқталды.

«Мешіт - адамдарды мейірімге, сүйіспеншілікке шақыратын, бір-біріне қамқор болып, қол ұшын беретін, мұқтаж болған адам жанына тыныштық табатын, сондай бір қасиетті, ұлық мекен. Бұл - имандылықтың, білімнің, ғылымның ордасы. Кешегі Қараөткелден келе жатқан Ақмола, кеше ғана халқымыздың басын біріктірген Астана, бүгін нұрланып дамып жатқан Нұр-Сұлтан қаласында халықтың негізгі бөлігі шоғырланған жерге мешіт көптен бері қажет еді. Мінеки, Елбасымыздың тапсырмасымен дәл осы халық тығыз орналасқан жерге мешіт салдырған әулетке Алла разы болсын дейміз», - деді Бас мүфти бүгінгі мешіттің ашылу рәсімі кезінде.



null

Айта кетейік, бас қаланың оң жағалауында бой көтерген жаңа мешітке бір мезетте 1500-2000 адам еркін сыйып, құлшылығын өтей алады. Сондай-ақ, мешіт жанынан ас беруге, Рамазан айында ауызашар беруге ыңғайлы асхана да ашылды.




null

Автор Марлан Жиембай
Басты сөздер: Нұр-Сұлтан, Дін,
Жоғары қарай