Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Елордада Toyota Camry ауыр жүк көліктің астына кіріп кетті

2021 жылдың 11 мамыр 2021 08:52

НҰР-СҰЛТАН. ҚазАқпарат – Елордада жеңіл көлік жолдың қарама қарсы бағытындағы Shacman ауыр жүк көлігіне соғылды, деп хабарлайды ҚазАқпарат Нұр-Сұлтан қаласы полиция департаментінің баспасөз қызметіне сілтеме жасап.

«10 мамырда Нұр-Сұлтан қаласының 102 нөміріне жол-көлік оқиғасы туралы хабарлама келіп түсті. Әл-Фараби даңғылымен жүріп келе жатқан Toyota Camry көлігінің 51 жастағы жүргзушісі жолдың қарама-қарсы жолағына шығып кетіп, онда 32 жастағы жүргізуші айдап келе жатқан Shacman ауыр жүк көлігімен соқтығысқаны анықталды», делінген хабарламада.

Жол апаты салдарынан Toyota Camry көлігінің жүргізушісі оқиға орнында қайтыс болды.

Аталған факті бойынша тергеу амалдары жүргізіліп жатыр.

Қалалық полиция департаменті жүргізушілерді жолда сақ болып, жол қозғалысы ережесін қатаң сақтау керектігін ескертеді.


Басты сөздер: Оқиға, Көлік, Нұр-Сұлтан,
Жоғары қарай