Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Елордадағы бокс кеші: Айдар Шәрібаев ресейлік боксшыны жеңіп кетті

2021 жылдың 18 желтоқсан 2021 21:48

НҰР-СҰЛТАН. ҚазАқпарат – Елорданың Жақсылық Үшкемпіров атындағы «Жекпе-жек» сарайында Тәуелсіздіктің 30 жылдығына орай өткізіліп жатқан кәсіпқой бокс кешінің алтыншы жекпе-жегінде де қазақстандық боксшы жеңіске жетті, деп хабарлайды ҚазАқпарат тілшісі.

63,5 келі салмақ өлшемі бойынша қазақстандық Айдар Шәрібаев Ресей атынан сынға түсіп жүрген Шохрух Абдиевпен күш сынасты.

Алты раундтық айқастың үшінші раундында қазақстандықтың ауыр соққылары қарсыласын екі рет тізерлетті.

Төрешілердің бірыңғай шешімі бойынша жеңіс Қазақстан боксшысына бұйырды. Есеп — 57:57,57:56, 59-54.

Бұдан бұрын хабарланғандай, бүгінгі бокс кеші «Хабар» телеарнасының тікелей эфирінен көрсетіліп жатыр.

Айта кетейік, кештің басты жекпе-жегінде қазақстандық Олимпиада чемпионы Данияр Елеусінов пен аргентиналық Хуан Эрнан Леао жартылай орта салмақтағы IBO чемпиондық белбеуін сарапқа салады.

Отандасымыз бұған дейін кездесу өткізіп 16 кездесу өткізіп, оның алтауын нокаутпен аяқтаса, оның қарсыласы 15 жеңісінің төртеуін нокаутпен тәмамдап, бір жекпе-жегін сәтсіз аяқтаған.



Автор Есімжан Нақтыбай
Басты сөздер: Спорт, Бокс, Нұр-Сұлтан,
Жоғары қарай