Ауа райы
Астана -9 °С
Алматы 4 °С
валюта бағамы
USD 376.16
EUR 406.18
RUB 5.90
CNY 53.60

Елордалық такси компанияларына 10 млн теңгеден астам айыппұл салынды

2020 жылдың 21 қаңтар 2020 02:57

НҰР-СҰЛТАН. ҚазАқпарат - Нұр-Сұлтан қаласының такси тасымалдаушылары бәсекеге қарсы келісімі үшін әкімшілік жауапкершілікке тартылды, деп хабарлайды ҚазАқпарат ҚР Ұлттық экономика министрлігі бәсекелестікті қорғау және дамыту комитетіне сілтеме жасап.

«Нұр-Сұлтан қаласының мамандандырылған ауданаралық әкімшілік сотының 2019 жылғы желтоқсандағы қаулысымен такси тасымалдаушылары ҚР Әкімшілік құқық бұзу туралы кодексінің 159-бабы 1-бөлімінде көзделген құқық бұзушылықты жасағаны үшін әкімшілік жауапкершілікке тартылды. Айыптыларға жалпы сомасы 10 735 498 теңге болатын айыппұл салынды. Сондай-ақ, 13 033 375 теңге көлемінде монополиялық табысы тәркіленіп, әкімшілік жазаға тартылды» делінген хабарламада.

Комитет таратқан ақпаратқа сүйенсек, бұған дейін «Taxi Zhebe» ЖШС, «Vector Ast, Partners» ЖШС, «Арна-Медиа» ЖШС, «Astana Taxi Drivers» ЖШС, «Аруна Транс» ЖШС, «Compass Energy» ЖШС, «ҚР «Кенгуру» Жолаушы тасымалдау» ЖШС, «Taxi ALTYN» ЖШС, «SB Group Astana» ЖШС, «King Way» ЖШС қатысты бағаны белгілеу немесе ұстап тұру бойынша бәсекелестікке қарсы келісім белгілерін анықтау үшін тергеп-тексеру жүргізілген.


Автор Дәулет Ізтілеу
Басты сөздер: Көлік, Заң, Сот, Нұр-Сұлтан,
Жоғары қарай