Ауа райы
Астана -18 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Ерлан Қарин: Ұлттық кеңестің бесінші отырысы ақпанда өтеді

2021 жылдың 18 қаңтар 2021 15:18

НҰР-СҰЛТАН. ҚазАқпарат - Президенттің көмекшісі Ерлан Қарин Ұлттық қоғамдық сенім кеңесінің бесінші отырысы қашан өткізілетінін мәлім етті, деп хабарлайды Қазақпарат тілшісі.

«Президент тарапынан бастамалар көтерілді. Ендігі жұмыс бізде - сарапшыларда, әр саладағы мамандарда. Бұл бастамаларды жан-жақты зерттеп, оны шынайы әрі нақты мазмұнмен толықтыруымыз керек», - деді Ерлан Қарин елордада өтіп жатқан «Президенттік жаңа саяси реформалар пакеті» атты дөңгелек үстелде.

Оның айтуынша Президенттің бұл мәлімдемесі - реформалардың үшінші пакеті деп аталғанымен, аталмыш бастамалар шегіне таяп қалды дегенді білдірмейді.

«Талқылау жалғасады. Талқылау орталығы - бүгінгі таңда Ұлттық қоғамдық сенім кеңесі. Соның отырыстарында нақты ұсыныстар пысықталады. Қазіргі уақытта Ұлттық қоғамдық сенім кеңесінің бесінші отырысына дайындық жүргізілуде. Ол ақпан айында өтеді. Бесінші отырыста жаңа бастамалар жарияланады», - деді ол.


Жоғары қарай