Ауа райы
Астана -15 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Ерлан Тұрғымбаев АҚШ Елшісімен кездесті

2020 жылдың 19 қазан 2020 11:32

НҰР-СҰЛТАН. ҚазАқпарат - ҚР Ішкі істер министрі Ерлан Тұрғымбаев пен АҚШ-тың Қазақстандағы Елшісі Уильям Мозер кездесті. Бұл туралы ҚР Ішкі істер министрлігінің ресми өкілі Нұрділдә Ораз мәлім етті, деп хабарлайды ҚазАқпарат тілшісі.

«Ішкі істер министрі Ерлан Тұрғымбаев АҚШ-тың Қазақстандағы Төтенше және Өкілетті Елшісі Уильям Мозермен кездесті. Тараптар бірнеше бағытта ынтымақтастық мәселелері бойынша пікір алмасты. Оның ішінде ішкі істер саласын реформалау бағытындағы ортақ жобалар туралы және адам саудасы қылмыстарына қарсы тұру мәселелері талқыланды», - деді Нұрділдә Ораз.

Сонымен қатар ресми өкіл кездесуге қатысушылар ішкі істер органдарына кадрлар дайындау жүйесін жетілдіру саласындағы өзара іс-қимылдың оң нәтижелерін атап өткендігін айтты.


Жоғары қарай