Ауа райы
Астана 29 °С
Алматы 30 °С
валюта бағамы
USD 411.66
EUR 465.92
RUB 5.81
CNY 58.79

Ертең түркі тілдес елдер оқу орындарының онлайн концерті өтеді

2020 жылдың 1 маусым 2020 21:16

АЛМАТЫ. ҚазАқпарат - Ертең Алматыдағы Қазақ ұлттық қыздар педагогикалық университетінде түркі тілдес елдер оқу орындарының онлайн концерті өтеді, деп хабарлайды ҚазАқпарат.

«Білім. Ғылым. Бауырластық». 2 маусым күні осындай атаумен түркі тілдес елдері жоғары оқу орындары өнерпаздарының концерті өтеді. Бұл жөнінде Қазақ ұлттық қыздар педагогикалық университетінің баспасөз қызметі мәлім етті.

«Мақсат – түбі бір туысқан мемлекеттердің білім, ғылым және мәдени ынтымақтастығының дамуын арттыру, талантты жастарға қолдау көрсету. Шараға Қазақ ұлттық қыздар педагогикалық университеті, Түркияның Нигде Өмер Халисдемир университеті және Қырғыз Республикасының Жүсіп Баласағұн атындағы Қырғыз мемлекеттік университетінің өнер ұжымдары қатысады» делінген хабарламада.

Сонымен қатар концерт барысында аталған жоғары оқу орны өкілдері өзара әріптестік байланысты дамыту бойынша атқарылып жатқан жұмыстар төңірегіндегі ақпаратпен бөліседі.

Айта кетейік, онлайн концерт Қыздар университетінің YouTube желісіндегі ресми арнасында тікелей эфирде өтеді.





Жоғары қарай