Ауа райы
Астана -8 °С
Алматы -9 °С
валюта бағамы
USD 421.58
EUR 496.83
RUB 5.53
CNY 62.20

Еуропада карантин шектеуі жеңілдетіле бастады

2020 жылдың 29 қараша 2020 02:23

ПАРИЖ. ҚазАқпарат – Еуропа коронавирустың екінші толқынына байланысты енгізілген карантин шектеуін біртіндеп алып тастай бастады, деп хабарлайды ҚазАқпарат Euronews-ке сілтеме жасап.

Швейцарияның Женева кантонында дүкендер қайта ашылып жатыр. Бір ай карантиннен кейін дүкендерде тұрмысқа қажетті тауарлар сатыла бастады.

Парижде ойыншық, көйлек, кітап дүкендері ашылды. Кәсіпкерлер табыс көп түсетін Рождество мерекесі қарсаңында сатып алатындардан кенде қалмайды. Сенбі күнгі сатып алушыларды дүкендерде қол соғып қарсы алды.

Польшада сауда қайта жүргізіле бастады. Алайда Кельц қаласында дүкен иелері бірқатар шектеу талабын сақтауға міндетті. 10 шаршы метр алаңда тек бір ғана клиент болуы керек.

Болгарияда керісінше тұрғындар дүкен, мейрамханаға баруға үлгеріп қалуға тырысуда. Өйткені келесі аптадан бастап карантин шектеуі енгізіледі. Еуроодақтағы соңғы ең ауқымды коронавирус жұқтыру осы елде тіркелген.

Басты сөздер: Карантин, Еуропа,
Жоғары қарай