Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Фейк: Ауруханаларда вакцинацияланған балаларға арналған төсек-орындар дайындалды

2021 жылдың 21 қыркүйек 2021 18:10

НҰР-СҰЛТАН. ҚазАқпарат - What‘sApp мессенджерінде балаларға арналған жұқпалы аурулар бөлімшелерінде төсек-орындар дайын екендігі туралы аудио хабарлама таратылуда, деп хабарлайды ҚазАқпарат Stopfake.kz сайтына сілтеме жасап.

Автордың айтуынша, олар мектептерде вакцина шашқаннан кейін қажет болады, балалар жаппай ауырып, өле бастайды. Бұл фейк.

Бұл ақпаратты Санитарлық-эпидемиологиялық бақылау комитеті жоққа шығарды.

– Балаларға арналған қосымша инфекциялық төсек-орындар дайындау туралы ақпарат шындыққа жанаспайды. Бүгінгі таңда, керісінше, КВИ-мен жұқтыру жағдайларының төмендеуіне байланысты жұқпалы аурулар стационарлары жабылуда. Сондай-ақ, бөлмеде бүрку арқылы қолданылатын вакцина жоқ, – деді ведомствоның ресми өкілі Ержан Байтанаев.

Бұл ата-аналар арасында дүрбелең туғызған дыбыстық хабарламалар бұған дейін де тараған болатын.

йБіз Тараз және Шымкент қалаларында балаларды белгісіз бағытта эвакуациялап, ауызына тамызу арқылы егетіні туралы фейкті жоққа шығардық»,-делінген хабарламада.


Басты сөздер: Медицина, Коронавирус, БАҚ,
Жоғары қарай