Ауа райы
Астана -8 °С
Алматы 2 °С
валюта бағамы
USD 421.58
EUR 496.83
RUB 5.53
CNY 62.20

Францияда коронавирус жұқтырғандардың көбеюіне байланысты жаңа шектеу енгізілмек

2020 жылдың 23 қазан 2020 08:55

ПАРИЖ. ҚазАқпарат - Францияның Париж және тағы сегіз қаласында коменданттық сағат енгізілді. Бұл туралы ҚазАқпарат ВВС агенттігіне сілтеме жасап хабарлайды.

Франция премьер-министрі Жан Кастекс коронавирустың коронавирустың жылдам таралуын тоқтату мақсатында елдің тағы ондаған аудандарында коменданттық сағат түнгі уақытта ұзартатынын мәлім етті.

Францияда қауіпті ауруға шалдығудың рекордтық 41 622 жаңа оқиғасы туралы жария етілді.

Коменданттық сағат жұма күннен бастап енгізіледі және ол сағат 21:00-ден таңғы 06:00-ге дейін созылады. Бұл 46 миллионға жуық адамға қатысты қолданатын шара болмақ.

«Алдағы апталар ауыр болып, індеттен қайтыс болатын адамдар саны өседі», - деді Жан Кастекс.

Соңғы тәулікте Францияда қауіпті вирустан тағы 162 адам көз жұмды.

Еске салсақ, бұған дейін Франция мен Италия коронавирустың тәуліктік өсімі жағынан антирекордты қайта жаңартқаны туралы хабарлаған едік.



Басты сөздер: Еуропа, Коронавирус, Әлем,
Жоғары қарай