Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Футболдан ел біріншілігінде «Тобыл» «Ақтөбеден» жеңілді

2022 жылдың 14 мамыр 2022 22:50

НҰР-CҰЛТАН. ҚазАқпарат - Бүгін футболдан Премьер-лига командалары арасындағы ел біріншілігінің он бірінші турында қостанайлық «Тобыл» сырт алаңда «Ақтөбеге» есе жіберді, деп хабарлайды ҚазАқпарат тілшісі.

Өткен жылғы ел чемпионы «Тобыл» биылғы доп додасын ала-құла өткізіп келеді. Қазір турнир кестесінде небәрі жетінші орында тұр.

Бүгін қостанайлық команда сырт алаңда «Ақтөбемен» кездесті. Ойын барысында алдымен ақтөбелік ұжымнан Сердер Сердеров 54-минутта есеп ашса, оған 79-минутта «Тобыл» ойыншысы Алекс Аманович бір голмен жауап қайырды. Жеңіс голын кездесу бітер сәтте ақтөбелік командадан Жерар Гоу соқты.

Осылайша «Ақтөбе» қарсыласын 3:0 есебімен тізе бүктірді. Олар турнир кестесінде бесінші орынға көтерілсе, «Тобыл» жетінші орынды місе тұтты.

Сондай-ақ, бүгін қарағандылық «Шахтер» шымкенттік «Ордабасыны» 1:0, елордалық «Астана» алматылық «Қайратты» 6:0, павлодарлық «Ақсу» түркістандық «Тұранды» 2:0 есебімен жеңді.

Ал «Атырау» мен петропавлдық «Қызылжар» 3:3 есебімен тең түсті.

Ертең, 15 мамырда «Мақтарал» (Түркістан облысы) мен «Каспий» (Ақтау), «Тараз» бен «Ақжайық» (Орал) командалары жасыл алаңға шығады.


Автор Әділжан Үмбет
Басты сөздер: Спорт, Қоғам, Футбол,
Жоғары қарай