Ауа райы
Астана -8 °С
Алматы -1 °С
валюта бағамы
USD 421.58
EUR 496.83
RUB 5.53
CNY 62.20

Футболдан Еуропа чемпионатының форматы наурыз айында белгілі болады - УЕФА

2020 жылдың 1 желтоқсан 2020 22:28

НҰР-СҰЛТАН. ҚазАқпарат – Еуропалық футбол қауымдастықтары одағы (УЕФА) наурыз айында Еуропа чемпионатын өткізу форматын айқындайды, деп хабарлайды SPORTINFORM ТАСС агенттігіне сілтеме жасап.

Қазіргі уақытта коронавирус пандемиясына байланысты бірқатар Еуропа елдерінде стадиондағы көрермендер санына шектеу қойылған.

«Бізде УЕФА-ның еурочемпионатты өткізуінің үш жаһандық сценарийі қарастырылады деген ресми ұстаным бар, біз оған дайындалып жатырмыз. Сценарийлер анық белгілі, дейді Еуро-2020 ресейлік ұйымдастыру комитетінің бас директоры Алексей Сорокин.

Көрермендердің болмауынан турнирді толық форматта өткізуге дейінгі диапазон қарастырылған. УЕФА пандемияға қатысты оң өзгерістер болады деп үміттеніп отыр, өйткені бастапқыда-ақ турнирдің қалыпты форматта өткізу нұсқасы қарастырылған. Бұған дейін бірнеше БАҚ турнирге қатысатын қалалар санын бір қалаға дейін қысқарту мүмкіндігі туралы хабарлаған болатын.

«Біз УЕФА-ның барлық 12 қалада дайындық жүріп жатқаны туралы ресми ұстанымына сүйенеміз. Бұл тұжырымдамада ешқандай өзгеріс жоқ», - деп жауап берді агенттікке сұхбат беруші «Келесі жазда Еуропа чемпионатының матчтары өтетін қалалар саны қысқаруы мүмкін бе?» деген сұраққа.

Еуропа чемпионатын өткізу бастапқыда Еуропаның 12 қаласында жоспарланған еді: Санкт-Петербург, Лондон, Мюнхен, Баку, Рим, Бухарест, Дублин, Копенгаген, Бильбао, Глазго, Будапешт және Амстердам. Санкт-Петербургте топтық кезеңнің үш матчы және ширек финалдың бірі өтуі тиіс.

Еуропа чемпионаты 2020 жылдың 12 маусымы мен 12 шілдесі аралығында өтуі керек еді. Коронавирус пандемиясына байланысты УЕФА турнирді келесі жылдың жазына ауыстыру туралы шешім қабылдады. Жарыс 2021 жылдың 11 маусымы мен 11 шілдесі күндері өтеді.


Жоғары қарай