Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Футболдан ҚР чемпионаты: «Астана» мен «Тобыл» тең түсіп, «Қайрат» жеңіске жетті

2021 жылдың 13 маусым 2021 23:57

НҰР-СҰЛТАН. ҚазАқпарат - Бүгін футболдан Премьер-лига командалары арасындағы ел біріншілігінің он бесінші туры мәресіне жетті, деп хабарлайды ҚазАқпарат тілшісі.


Бүгін үш ойын өткізілді. Оның екеуінде тең ойын тіркелсе, біреуінде қарсыластар арасында жеңімпаз анықталды.

Жанкүйерлер елордада өткен «Астана» мен «Тобыл» ойынына көз тіккені анық. Турнир кестесінде алғашқы екі орында тұрған командалар текетіресінде кімнің жеңетіні қызық болатын. Дегенмен қос команда 1:1 есебіне қанағат білдірді.

Алдымен 29-минутта «Тобыл» сапынан Неманья Николич есеп ашса, оған 44-минутта Марин Томасов таразы басын теңестірді.

Ал «Қайрат» сырт алаңда «Таразды» 2:0 есебімен басым түсті. Оны Вагнер Лав 11, Артур Шушеначев 67-минуттарда өзінің еншісіне жазды.

Ал «Қайсар» мен «Тұран» кездесуінде есеп ашылған жоқ.

Еске салсақ, аталған турдағы төрт ойын кеше, 12 маусымда өткізілді. Сырт алаңда «Каспий» «Жетісуды», «Ордабасы» «Ақжайықты», «Шахтерді», өз алаңында «Ақтөбе» мен «Атырауды» 1:0 есебімен тізе бүктірді.

Енді он алтыншы тур ойындары 18 және 19 маусым күндері өткізіледі.


Автор Әділжан Үмбет
Басты сөздер: Спорт, Қоғам,
Жоғары қарай