Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Геннадий Головкин алдағы жоспарларымен бөлісті

2021 жылдың 25 қараша 2021 13:20

НҰР-СҰЛТАН. ҚазАқпарат – Орта салмақтағы қазақстандық чемпион Геннадий Головкин Yahoo! Japan тілшісіне 29 желтоқсан күні өтетін Риота Муратамен айқасынан кейінгі жоспарымен бөлісіп, спорттағы мансабын аяқтаған соң не істейтінін айтты, деп хабарлайды ҚазАқпарат Sports.kz сайтына сілтеме жасап.

- Әрине, қазір сіз Риота Муратамен болатын жекпе-жекке дайындық үстіндесіз. Дегенмен осы айқастан кейін қандай да бір жоспарларыңыз бар ма?

- Менің қалауым – Отаныма оралып, Жаңа жылды жақындарыммен қарсы алу. Муратамен болатын жекпе-жектің маңызы соншалық, қазір одан басқа ештеңе ойлай алмаймын.

- Келесі жылы сіз 40 жасқа келесіз. Зейнетке шыққаннан кейін немен айналысатыныңыз туралы ойландыңыз ба?

- Мен әлі күнге дейін кәсіби боксшымын, сол себепті әзірге бұл сұраққа жауап беруге дайын емеспін. Мен үшін бұл жаңа бастама болады деп ойлаймын. «40-та өмір енді басталады» дейді ғой. Сол сияқты менің жұмысым көп болады. Бәрінен бұрын, отбасыммен уақыт өткіземін. Отағасы ретінде менің алаңдайтын күндерім әлі алда.


Жоғары қарай