Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Грекияда 12-15 жас аралығындағы балаларды вакциналау жоспарланып отыр

2021 жылдың 27 шілде 2021 12:29

АФИНЫ. ҚазАқпарат – Грекияда ауру жұқтырудың жаңа жағдайларының санын азайту мақсатында 12-15 жас аралығындағы жасөспірімдерге Pfizer/BioNTech және Moderna вакциналарын егу жоспарланып отыр, деп хабарлайды ҚазАқпарат Reuters агенттігіне сілтеме жасай отырып.

Грекияның вакцинация жөніндегі комитет басшысы Мария Теодоридудың айтуынша, жасөспірімдер арасындағы вакцинация жастардың осал тобын тиімді қорғауға, сондай-ақ қыркүйек айының басына дейін олардың мектептерге тезірек оралуына ықпал етеді.

11 миллионға жуық халқы бар Грекияда вакцинаның бірінші компонентінің 10,2 миллионнан астам дозасы салынды. Халықтың шамамен 46,8%-ы толық вакциналанған.

Грек үкіметі күзге қарай елдегі вакцинация деңгейін 70% -ға пайызға жеткізуді жоспарлап отыр.

Өткен тәулікте елде коронавирус жұқтырудың 2070 жаңа жағдайы және 5 өлім жағдайы тіркелген. Грекиядағы ауруға шалдыққандардың жалпы саны – 477 975 адам. Пандемия басталғалы елде 12903 адам көз жұмған.


Басты сөздер: Коронавирус, Вакцина, Еуропа,
Жоғары қарай