Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Иманбек өзіне ескерткіш орнату туралы қауесетке жауап берді

2021 жылдың 26 қыркүйек 2021 13:08

ПАВЛОДАР. ҚазАқпарат - «Грэмми» сыйлығының иегері Иманбек Зейкенов өзіне ескерткіш орнатуға қатысты қауесетке пікір білдірді, деп хабарлайды Pavlodarnews.kz.

Диджей әлеуметтік желідегі парақшасында тікелей эфирге шығып, өзіне ескерткіш орнатқалы жатқаны туралы қауесетті жоққа шығарды.

Айта кетейік, БАҚ-та Иманбекке ескерткіш орнатқалы жатқаны туралы ақпарат тараған болатын.

«Бір ай бұрын маған Ақсудағы саябақта немесе жағалауда Грэмми, сыйлығының мүсінін орнату туралы ұсыныс жасалды»,- деді Иманбек Зейкенов.

Белгілі музыкант оған қарсылық білдірмеген. «Тілшілер сөзді бұрып жіберген. Енді адамдар мен өзіме ескерткіш орнатуды сұрады деп ойлауда. Мен ондай адам емеспін. Өзіңе ескерткіш орнатуды сұрау — нағыз бетсіздік деп санаймын»,- деді музыкант.

Еске салайық, Иманбек Зейкенов 2021 жылдың наурыз айында «Roses» әніне жасаған ремиксі үшін әлемдік «Грэмми» сыйлығын жеңіп алды.
Ол ТМД елдері арасында бұл сыйлықты иеленген алғашқы адам.

Сонымен қатар ҚР Президенті «Иманбектің жетістігі – бүкіл ТМД үшін теңдесі жоқ табыс» деді.



Басты сөздер: Қоғам, Павлодар облысы,
Жоғары қарай