Ауа райы
Астана 1 °С
Алматы 7 °С
валюта бағамы
USD 388.70
EUR 428.70
RUB 6.08
CNY 55.46

Имидждік мақсатқа жұмсалмақ болған 1 млрд 400 млн теңге үнемделді

2019 жылдың 18 қазан 2019 17:08

НҰР-СҰЛТАН. ҚазАқпарат – Қазақстанда имидждік мақсатқа жұмсалмақ болған 1 млрд 400 млн теңге үнемделді. Бұл турады ОКҚ-да өткен баспасөз мәслихатында қаржы министрінің бірінші орынбасары Берік Шолпанқұлов мәлім етті, деп хабарлайды ҚазАқпарат тілшісі.

«Елбасы мен Мемлекет басшысының имидждік және консалтингті бағыттағы орынсыз шығындарды қысқарту бағытындағы тапсырмасына сәйкес, үш жылдық кезеңге арналған республикалық бюджет жобасын қалыптастыру кезінде 21 млрд теңгелік шығындар, оның ішінде 2020 жылы 10 млрд теңге оңтайландырылды. Имидждік шығындар бойынша 1 млрд 400 млн теңгенің шығынды қысқартты. Әйтсе де, имидждік шығындардың мөлшері бұрын да көп емес еді», - деді Берік Шолпанқұлов.

Оның айтуынша, елімізде бюджеттік заңнамаға түзету енгізу мәселесі қарастырылып жатыр. Нақтырақ айтқанда, бюджеттік процестің кезеңдері қайта қаралмақ. Осылайша, шығындар лимитін стратегиялық жоспарларды құру сатысында жүзеге асыру ұсынылып отыр.

Жоғары қарай