Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

نۇر-سۇلتاندا ۆاكسينا العاندار اراسىندا تاعى دا iPhone12 سمارتفونى ويناتىلدى

2021 жылдың 19 шілде 2021 22:30

نۇر-سۇلتان. قازاقپارات - نۇر-سۇلتاندا ۆاكسينالانعاندار اراسىندا باعالى سىيلىقتار ويناتىلدى.

7-16-شىلدە ارالىعىندا ۆاكسينالانعان ازاماتتار كەزەكتى ەكى iPhone12 جانە باسقا دا قۇندى سىيلىقتاردىڭ ەكىنشى ۇتىس ويىنىنا قاتىستى، دەپ حابارلايدى قالالىق اكىمدىكتىڭ باسپا ءسوز قىزمەتى.

ۇتىس ويىنى تىكەلەي ەفيردە 17- شىلدە كۇنى (سەنبى) ساعات 17:00 دە نۇر-سۇلتان قالاسى اكىمدىگىنىڭ الەۋمەتتىك جەلىلەردەگى (Facebook، YouTube) پاراقشالارىندا ءوتتى.

ناتيجەسىندە، ازامات اققوشقاروۆ (39137№) جانە ساندىگۇل يگىلىكوۆا (13011№) كەزەكتى ەكى iPhone12 جەڭىمپازى اتاندى.




سول سياقتى «Sulpak» دۇكەنىنىڭ توڭازىتقىشىن نۇرسۇلۋ نۇرەكەشوۆا (14964№)، «Sulpak» دۇكەنىنىڭ تەلەديدارىن نينا ساۆيتسكايا (14080№)، «Sulpak» دۇكەنىنىڭ ميكروتولقىندى پەشىن دامير نۇرجانوۆ (34262№)، «مەچتا» دۇكەندەر جەلىسىنىڭ اليساسى بار اقىلدى كولونكاسىن راسۋلبەك قۋانىشبەكوۆ، «مەچتا» دۇكەندەر جەلىسىنىڭ ۋلترادىبىستىق ىلعالداندىرعىشىن ديليا دۋيەسينوۆا (41207№)، «بەلىي ۆەتەر» دۇكەنىنىڭ بەينەتىركەگىشىن ازامات جۇنىسبەكوۆ (25842№) الدى.

IPhone12 جانە باسقا دا قۇندى سىيلىقتاردىڭ ۇتىس ويىنىن ەلوردا اكىمدىگى اپتا سايىن جازدىڭ سوڭىنا دەيىن وتكىزەدى.

ەستەرىڭىزگە سالا كەتەيىك، iPhone12 جانە باسقا دا قۇندى سىيلىقتاردىڭ العاشقى ۇتىس ويىنى 9- شىلدە كۇنى وتكەن. اۆتوماتتى ۇتىس ويىنىنا ۆاكسيناتسيا باستالعان ساتتەن باستاپ قالادا 6- شىلدەگە دەيىن (قوسا العاندا) ۆاكسيناتسيالانعاندار قاتىستى.

Birge پلاتفورماسىندا ۇتىس ويىنىنىڭ جەڭىمپازدارىن انىقتاۋ ءۇشىن ارنايى راندومايزەر سەرۆيسى ورناتىلعان. ول ۆاكسيناتسيالانعاندار اراسىندا ID ءنومىرى ارقىلى جۇلدە يەلەرىن تاڭدايدى. ونى ازىرلەۋگە IT- قاۋىمداستىق تا قاتىستى.

ايتا كەتۋ كەرەك، ۆاكسيناتسيالانعاندار سەرۆيسى ق ر دەنساۋلىق ساقتاۋ مينيسترلىگىنىڭ اقپاراتتىق جۇيەسىمەن بىرىكتىرىلگەن.

ۇتىس ويىنىنا ۆاكسينا العاندار اۆتوماتتى تۇردە قاتىسادى. وعان قاتىسۋ ءۇشىن قۇجاتتار تولتىرىپ، تاعى دا ۆاكسيناتسيادان ءوتۋدىڭ قاجەتى جوق.

ايتا كەتەيىك، ەلوردادا ازاماتتاردى ۆاكسيناتسيالاۋعا ىنتالاندىرۋ ءۇشىن باعالى سىيلىقتاردىڭ ۇتىس ويىنى وتۋدە. ولاردىڭ اراسىندا ەكى بولمەلى پاتەر دە بار. وسى جىلدىڭ 25- ماۋسىمى مەن 31- تامىزى ارالىعىندا ۆاكسينانىڭ ءبىرىنشى كومپونەنتىن العان ءارى 18 جاستان اسقان قالا تۇرعىندارى ەلوردادا ەكى بولمەلى پاتەر ۇتىپ الا الادى.




بۇل ۇتىس ويىنىنا ۆاكسيناتسيانىڭ بارلىق پۋنكتى قاتىسادى:

مەديتسينالىق مەكەمەلەر، س و و/س ۇ.

ايتا كەتۋ كەرەك، ۇتىس ويىندارى دەمەۋشىلەردىڭ كومەگىمەن وتكىزىلەدى. سونداي- اق «MEGA Silk Way» س و و- داعى ۆاكسيناتسيا پۋنكتىندە ەكپەنىڭ ءبىرىنشى كومپونەنتىن العاندار اراسىندا اۆتوموبيل ۇتىسى وتەدى.

ەلوردادا وتكىزىلەتىن ۇتىس ويىندارى ازاماتتاردى ەكپە الۋعا ىنتالاندىرۋ، وسىلايشا ءوز دەنساۋلىعىن دا، جاقىن جانە اينالاسىنداعى ادامداردىڭ دەنساۋلىعىن ساقتاۋ ءۇشىن ۇيىمداستىرىلادى.

سەبەبى، باستى ماقسات - ۇجىمدىق يممۋنيتەتتى دامىتۋ جانە كارانتينگە دەيىنگى بۇرىنعى رەجيمگە ورالۋ.

ۇجىمدىق يممۋنيتەتتىڭ ۇلەسى %60 دان اسۋى كەرەك.

Басты сөздер: قوعام, استانا,
Жоғары қарай