Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Ішкі істер министрлігі ауа райының нашарлауына байланысты жүргізушілерге үндеу жасады

2021 жылдың 22 қазан 2021 22:30

НҰР-СҰЛТАН. ҚазАқпарат - Ішкі істер министрлігі жүргізушілерді ауа райы нашарлаған кездегі қауіп-қатерді естен шығармауға шақырды, деп хабарлайды ҚазАқпарат.

Ведомствоның баспасөз қызметі атап өткендей, алдағы күндері республика аумағында күн суытады, сондай-ақ жел күшейіп, жолдарда көктайғақ болуы мүмкін.

Метеожағдайдың нашарлауы туралы ескерту аумақтық полиция бөлімшелерінің басшыларына жіберілді.

Жол қозғалысына қатысушылардың қауіпсіздігі үшін ІІМ ауа райын ескере отырып, автокөлікпен ұзақ сапарды алдын ала жоспарлауға шақырады.

Құтқару қызметінің хабарламаларына назар аударып, ауа райы нашарлаған кезде алыс жолға шығуды шектеуге, қажет болған жағдайда көліктің балама түрін пайдалануға кеңес береді.

Күзгі-қысқы кезеңнің басталуына байланысты көлік жүргізу әлдеқайда қауіпті болады, жылдың осы уақытында өте мұқият болу керек.

Жолда күтпеген апаттың алдын алуға көмектесетін автомобильдер арасындағы қауіпсіз қашықтықты сақтаңыз.


Жоғары қарай