Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қалмақстанда автобус пен «Камаз» соқтығысып, 6 адам мерт болды

2021 жылдың 24 қазан 2021 15:00

ЭЛИСТА. ТАСС-ҚазАқпарат – Қалмақстанда Р-216 Астрахан-Элиста-Ставрополь жолының 246-шы шақырымында жолаушылар автобусы мен «Камаз» соқтығысып, салдарынан алты адам көз жұмды. Бұл туралы Қалмақстан Республикасының Денсаулық сақтау министрі Юрий Кикенов мәлім етті, деп хабарлайды ҚазАқпарат ТАСС агенттігіне сілтеме жасап.

«Республикалық ауруханада бір науқас қайтыс болды, оның бас сүйегі жарылған, миына зақым келген», - деді ол.

Бұдан ертерек өңірлік ІІМ жол-көлік оқиғасынан бес адамның көз жұмып, сегіз адамның жарақат алғаны туралы хабарлаған болатын. Ведомствоның алдын ала деректері бойынша, Махачкала-Санкт-Петербург маршруты бойынша жылжыған Neoplan жолаушылар автобусы мен «Камаз» жүк көлігі соқтығысып қалған. Полицияның дерегіне сай, қаза тапқандардың ішінде бала бар.

Өңірлік ІІМ-нің баспасөз хатшысы Андрей Басхаев тексерістен кейін бес адамның ауруханадан жіберіліп, үш адамның жатқызылғаны туралы мәлімдеген болатын. «Камаз» бен автобус жүргізушісі зардап шекпеген, үш адам ауруханаға жатқызылып, бес адам босатылды», - деді ол.

Ресейлік ІІМ-нің хабарлауынша, жол апаты туралы хабар Мәскеу уақыты бойынша 02:40-та келіп түскен. Автобуста барлығы 28 жолаушы болған. Қайтыс болғандардың барлығы автобус жолаушылары болып шықты.

Барлығы ведомстводан апаттың салдарын жоюға жеке құрамның 11 адамы мен үш техника жұмылдырылған.

Жол апаты фактісі бойынша ішкі істер органдары тексеріс жүргізіп жатыр. Оқиға орнында полицияның жедел тергеу тобы мен жедел қызметтердің мамандары жұмыс істеп жатыр.

Юрий Кикеновтің айтуынша, Жемчуев атындағы республикалық ауруханаға екі зардап шеккен адам жеткізілді. Екінші науқастың жағдайы тұрақты, деп нақтылады ол.

Яшкул аудандық ауруханасына жеткізілген алты науқастың біреуінің жағдайы аса ауыр. Оны республикалық ауруханаға ауыстыру туралы мәселе шешілу алдында тұр. Республикалық ауруханаға жеткізілген тағы бес адам жеңіл және орта дәрежедегі жарақаттар алған, оларды ауруханада қалдырудың қажеті жоқ. Олармен Ресейдің республика бойынша ТЖМ психологтары жұмыс жүргізуде.

Зардап шеккендердің барлығы – Дағыстан тұрғындары, деп нақтылады бас дәрігер. Апат орнында жедел жәрдемнің үш бригадасы жұмыс істеді.


Басты сөздер: Әлем, Көлік, Оқиға, Ресей,
Жоғары қарай