Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қант бағасын тұрақты ұстап тұру үшін бірқатар шешім қабылданды

2021 жылдың 12 тамыз 2021 11:53

НҰР-СҰЛТАН. ҚазАқпарат – ҚР Сауда және интеграция вице-министрі Жанель Кушукова қант бағасының өсімін тежеу қадамдары туралы айтты, деп хабарлады ҚазАқпарат тілшісі.

«Ішкі бағаларды реттеу мен тұрақтандыру, сондай-ақ негізгі тауарларды тұтынушыларға жеткізу аясында қантқа қатысты бірқатар шешім қабылданды. Өткен жылдан бері қант бағасының елеулі өскенін байқап отырмыз. Бұл өз кезегінде 2020 жылы қант қызылшасы шығымдылығының төмендігіне және қант құрағы құнының артуына байланысты болды», - деді Ж. Кушукова министрліктің алқа мәжілісінде.

«Осыған байланысты биыл қант құрағы мен дайын қантты биылғы 15 мамырдан 30 қыркүйек аралығында жеңілдікті түрде алып келуге квота бекіту туралы шешім қабылданды. Қазақстан үшін квота көлемі 134,4 мың тоннаны құрады. Бұл шешім қант бағасының негізсіз өсуін тежеуге мүмкіндік беріп, қант өндіретін компаниялардың жұмысын тұрақтандырады», - деді вице-министр.

Бұдан бұрын хабарланғандай, алқа мәжілісінде Қазақстан негізгі сауда серіктес елдермен тауар айналымды арттырғаны айтылды.



Жоғары қарай