Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Қаңтар-қараша айларында бюджетке 9,6 трлн теңге салық түскен - комитет

2021 жылдың 22 желтоқсан 2021 15:38

НҰР-СҰЛТАН. ҚазАқпарат - 2021 жылғы қаңтар-қараша айларында мемлекеттік бюджетке кіріс ретінде 9,6 трлн теңге салық түсімі түскен, деп хабарлайды ҚазАқпарат Мемлекеттік кірістер комитетіне сілтеме жасап.

Комитеттің мәліметінше, қаңтар-қараша айларында мемлекеттік бюджетке салық түсімдері бойынша жоспары 102,6% орындалды (жоспар бойынша 9 385,7 млрд теңге, 241,9 млрд теңгеге асыра орындалып, 9 627,6 млрд теңге түсті), өткен жылдың осыған ұқсас кезеңімен салыстырғанда 28,8% немесе 2 155,6 млрд. теңгеге өскен.

«Оның ішінде:

- Республикалық бюджет 100,8% орындалды (жоспар бойынша 6 353,1 млрд.теңге, 50,9 млрд теңгеге асыра орындаумен 6 404 млрд теңге түсті), өткен жылдың осыған ұқсас кезеңімен салыстырғанда 33,0% немесе 1 590,6 млрд теңгеге өсті.

- Жергілікті бюджет 106,3% орындалды (жоспар бойынша 3 032,7 млрд.теңге, 191,0 млрд. теңгеге асыра орындаумен 3 223,6 млрд. теңге түсті) 2020 жылдың осыған ұқсас кезеңімен салыстырғанда 21,3% немесе 565,0 млрд теңгеге өсті» , делінген хабарламада.

Ведомствоның мәліметінше, 2020 жылдың осыған ұқсас кезеңімен салыстырғанда Республикалық бюджетке түсімдер өсімінің ең көп сомасы мұнайға салынатын корпоративті табыс салығы бойынша 555,2 млрд теңгеге немесе 1,5 есе, экспорттық кеден баждары бойынша 463,6 млрд теңгеге немесе 2 есе, ЕАЭО елдерінен импортқа ҚҚС бойынша 219,2 млрд теңгеге немесе 36,9%, пайдалы қазбаларды өндіру салығы бойынша 144,3 млрд теңгеге немесе 47,7% және 3-ші елдерден импортқа ҚҚС бойынша 125,6 млрд теңгеге немесе 21,6% артқаны байқалады.

Комитеттің мәлімдеуінше, түсімдердің өсуіне мынадай факторлар әсер етке.

«Биылғы жылдың 11 айында өткен жылдың осыған ұқсас кезеңімен салыстырғанда негізгі экспорт позицияларындағы бағаның өсуі байқалады, оның ішінде мұнайға 70,9%, мысқа 54,1%, алюминийге 45,4%, мырышқа 33,4%, күміске 26,1%, қорғасынға 21,0% және алтынға 2,2%. Мұнайға салынатын әкету кедендік бажының мөлшерлемесі 66,3% өсті (2020 жылдың 11 айында 1 тоннаға орташа мөлшерлемесі – 37,7$, 2021 жылдың 11 айында 1 тоннаға – 62,7$).

Үшінші елдермен тауар айналымы 2021 жылғы қаңтар-қараша айларында 11,5% өсті (экспорт 23,0% өсті, импорт 8,5% төмендеді)», делінген хабарламада.

2021 жылғы 11 айында өткен жылдың осыған ұқсас кезеңімен салыстырғанда тауар айналымы 58,5% өсті (82 223 млрд. теңгеден 130 359 млрд. теңгеге дейін).

«ҚҚС түсімінің шамамен 32% құрайтын ірі салық төлеушілер бойынша өткізу бойынша айналымдар 11,1% өсті.

Көрсетілген кезең ішінде бір салық төлеушіге онлайн бақылау-касса машинасынан орташа түсімі 11,5% өсті (41,1 млн теңгеден 45,8 млн теңгеге дейін)», делінген хабарламада.


Жоғары қарай