Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Қаңтар трагедиясы: Адам құқықтары жөніндегі уәкілдің атына азаптау мен қатыгездік туралы 20 жазбаша шағым түскен

2022 жылдың 27 қаңтар 2022 18:47

НҰР-СҰЛТАН. ҚазАқпарат – Адам құқықтары жөніндегі уәкілдің атына азаптау мен қатыгездік туралы 20 жазбаша шағым түскен. Бұл туралы Эльвира Әзімова «Хабар-24» телеарнасында өткен брифингіде айтты, деп хабарлайды ҚазАқпарат тілшісі.

«Қазіргі уақытта азаматтардан өзімнің атыма қаңтар айындағы болған оқиғаларға байланысты заңбұзушылықтар туралы біраз өтініш келіп түсіп жатыр. Сонымен бірге біз 13-19 қаңтар арасында өңірлерде 81 тергеу изоляторына және уақытша ұстау изоляторына барып, тәуелсіз мониторинг жасадық», - деген уәкіл сол мониторингтің алғашқы қорытындыларына тоқталды.

«Азаматтардың құқығы бұзылғаны туралы 39 өтініш түсті. Оның 20-сы — азаптау мен қатыгездікке қатысты жазбаша түрде түскен өтініштер. Қалғандары негізсіз қамауға алу, әкімшілік жазалау туралы сот шешімдерімен келіспеу, медициналық көмек көрсетпеу, адвокаттарды жібермеу мәселелеріне қатысты.

Дегенмен, әлеуметтік желіде заңбұзушылықтар туралы қоңыраулар мен хабарламалар айтарлықтай көп болды», - деді Эльвира Әзімова.


Перевод Есімжан Нақтыбай
Басты сөздер: ҚР ІІМ, Адам құқығы,
Жоғары қарай