Ауа райы
Астана -6 °С
Алматы -2 °С
валюта бағамы
USD 421.58
EUR 496.83
RUB 5.53
CNY 62.20

Қапшағай су қоймасынан бір күнде 6 адам құтқарылды

2020 жылдың 25 маусым 2020 20:32

ТАЛДЫҚОРҒАН.ҚазАқпарат - Қапшағай су қоймасынан бір күнде алты адам құтқарылды. Оның төртеуі катамаранмен серуендеп жүріп, қатты желден көлдің ортасына кетіп қалған, деп хабарлайды ҚазАқпарат тілшісі.

«24 маусым күні 4 адам екі катамаранмен серуендеп жүргенде қатты жел оларды жасанды көлдің ортасына әкетіп қалған. Абырой болғанда, жүзу құралы аударылмады. Оның үстіне қауіпсіздік кеудешесі демалушылардың аяғының астында болған. Бұл тіптен қауіпті. Ең бастысы құтқарушылардың жедел әрекетінің нәтижесінде барлығы дін аман», - деп мәлімдеді Алматы облыстық ТЖД баспасөз қызметінен.

Құтқарушылардың мәліметінше, екінші жағдайда ішімдік ішіп алған ер азамат жағалаудан 400 метр жерге жүзіп кеткен. Ал үшінші жағдайда скутермен суда жүрген ер адам жағалаудан 2 шақырым алыстап, құрылғысы оталмай қалған. Мамандардың көмегімен барлық адам жағалауға аман-есен жеткізілген.

Төтенше жағдай қызметінің мамандары суда қауіпсіздік ережелерін қатаң сақтауды ескертеді. Яғни, ауа райы қолайсыз кезде суға түспеу керек.

Айта кетейік, Қапшағай су қоймасында күніне 10-ға жуық құтқарушы адам қауіпсіздігін сақтау мақсатында жұмыс істейді. Ал демалыс күндері олардың саны екі есе артады.


Жоғары қарай