Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қапшағайда шілдеден бастап жылу бағасы 46 пайызға арзандайды

2021 жылдың 26 мамыр 2021 22:56

ҚАПШАҒАЙ. ҚазАқпарат - Алматы облысының Қапшағай қаласында жылу тарифі төмендетілді, деп хабарлайды ҚазАқпарат.

Табиғи монополияларды реттеу комитетінің Алматы облысы бойынша департаменті «Қапшағайжылу» МКК-ның жылу энергиясын өндiру, беру, бөлу және онымен жабдықтау қызметтеріне, 2020 жылдың қорытындысы бойынша тарифтік сметасының орындалуына талдау жүргізді.

Талдау нәтижесінде «Қапшағайжылу» МКК-нің қайта қаржыландыру ставкасын ескере отырып, негізсіз табыс сомасы 731 018 390 теңге көлемінде негізделмеген пайда мөлшері анықталды.

Осыған орай Алматы облысының ТМРКД-ның 2021 жылғы 21 мамырындағы №88-НҚ бұйрығына сәйкес, «Қапшағайжылу» МКК-ның үш жылға 1 714,6 теңге/Гкал (ҚҚС-сыз) мөлшерінде уақытша өтемдік тариф бекітілді (бұрын қолданыстағы тариф - 3 173,39 теңге/Гкал (ҚҚС-сыз).

Яғни 1 шілдеден бастап қолданысқа енгізіле отырып, тариф 46% төмендеді.


Жоғары қарай