Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Қарағанды облысында ТЖ режимін бұзған 680 адамға әкімшілік хаттама толтырылды

2022 жылдың 13 қаңтар 2022 14:35

ҚАРАҒАНДЫ. ҚазАқпарат - Қарағанды облысындағы қоғамдық-саяси жағдай тұрақты. Аймақта төтенше жағдай режимі және оған байланысты бірқатар шектеулер бар, деп хабарлайды ҚазАқпарат тілшісі.

ТЖ режимін бұзғаны үшін 680 әкімшілік хаттама толтырылды. 69 адам әкімшілік қамауға алынып, 26 бұзушыға айыппұл салынды. 525 адам ескерту алды.

Өткен тәулікте облыста 34 қылмыстық құқық бұзушылық тіркелді. Полиция қызметкерлері олардың 19-ын аша алды.

ТЖ кезінде 45 тыйым салынған зат тәркіленді. Олардың ішінде 18 дана тегіс ұңғылы қару бар. Сондай-ақ, есірткі заттарын сақтаудың 9 фактісі анықталды. Алты шетелдік көші-қон заңнамасын бұзғаны үшін әкімшілік жауапкершілікке тартылды.

«Полиция департаменті тұрғындарды төтенше жағдай режимін бұзбауға шақырады және полицейлердің жұмысына түсіністікпен қарайтын азаматтарға алғыс білдіреді», – деді Қарағанды облысының коменданты Ерлан Файзуллин.


Жоғары қарай