Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қарағанды облысында вакцина салдырғандар арасында жүлделер ойнатылады

2021 жылдың 11 қыркүйек 2021 23:45

ҚАРАҒАНДЫ. ҚазАқпарат – Қарағанды облысы Абай ауданында 1 қарашада вакцинацияланғандар арасында ұялы телефон және басқа да бағалы сыйлықтар ойнатылады. Шараны жергілікті Жастар ресурстық орталығы ұйымдастырады, деп хабарлайды ҚазАқпарат тілшісі.

Ұтыс ойынына қатысу үшін 1 қарашаға дейін Абай қаласының орталық ауруханасында коронавирусқа қарсы вакцинаның бірінші компонентін алу қажет.

«Вакцинацияланғандардың тізімін бізге Абай Орталық ауруханасы ұсынады. Ұтыс ойынын біз 1 қарашада @abaizhastary Instagram-парақшасында тікелей эфирде өткіземіз. Жеңімпаздар кездейсоқ анықталады», – деді Абай ауданының жастар ресурстық орталығының жетекшісі Ольга Куку.

Ұтыс жеңімпаздары ұялы телефон және басқа да бағалы және ақшалай сыйлықтар, сондай-ақ шипажайға жолдамалар алады.


Жоғары қарай