Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қарағанды өлкетану мұражайына археологиялық олжалар тапсырылды

2021 жылдың 30 мамыр 2021 16:47

ҚАРАҒАНДЫ. ҚазАқпарат – Қарағанды облыстық тарихи-өлкетану мұражайының қоры археологиялық олжалармен толықтырылды. Мұражайға барлығы 400-ден астам жәдігер тапсырылды, олардың басым бөлігі Ақкезен және Абылай елді мекендерінен, деп хабарлайды ҚазАқпарат тілшісі.

«Барлық жәдігерлер Талды археологиялық қорығынан алынған. Біздің олжаларымыз негізінен қола дәуіріне жатады. Олардың ішінде білезіктер, паста моншақтары, қола моншақтар, тұтас алқалар, мойынтұмарлар түріндегі әйелдер әшекейлері, сондай-ақ арнайы жапсырмалардың көмегімен жақ-бет алқасына біріктірілген қола жалдар және айылбастар бар. Әдетте мұндай мойынтұмарлар тоғыз дөңгелек қола айылбастардан тұрады, ортасында үлкенірегі орналастырылады, барлығы бірдей ою-өрнектермен безендірілген. Бұлар мұражай қорына тапсырылды, болашақта көрмелерден көруге болады», — дейді Сарыарқа археологиялық институтының жетекші ғылыми қызметкері Игорь Кукушкин.




2020 жылғы далалық маусымдағы олжалар мұражай қорына Е. А. Бөкетов атындағы ҚарУ тарих факультетінің археологтарының, Сарыарқа археологиялық институтының ғалымдары мен мамандары, «Археологиялық зерттеулер» ЖШС және т. б. қатысуымен өткен баспасөз мәслихатында берілді.

Айта кеткен жөн, мұндай кездесулер жыл сайын өткізіледі. Онда археологтар атқарылған жұмыстар туралы есеп береді.











Жоғары қарай