Ауа райы
Астана -18 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Қарағандыда алимент төлеуден жалтарған азаматтың автокөлігі тәркіленді

2021 жылдың 21 қаңтар 2021 07:43

ҚАРАҒАНДЫ. ҚазАқпарат – Қарағандыда Қазыбек би ауданының прокуратурасы жеке сот орындаушылар палатасымен және полиция басқармасымен бірлесіп, алимент төлеуден жалтарып жүрген тұлғаларға қатысты рейдтік іс-шаралар бастады, деп хабарлайды ҚазАқпарат тілшісі.

Рейд өз балаларын асырауға ақша беруге асықпайтын азаматтардың заңсыз әрекеттері үшін автокөліктерін іздеуге және ұстауға бағытталған.

«Бүгінгі күні облыс орталығындағы сот орындаушыларының өндірісінде осы санаттағы 21 мыңдай іс бар, олардың 87% алиментті өз еркімен төлеуде. Қалғандары бойынша жиналған қарыз сомасы 300 мыңнан 5 млн. теңгеге дейін жетіп отыр», - деп мәлімдеді Қарағанды облыстық прокуратурасының баспасөз қызметі.

Рейд іс-шарасы барысында 2018 жылдан бері қарызы 3 млн. теңгеден асқан борышкердің «VOLKSWAGEN PASSAT» маркалы автокөлігі алынып, айып тұрағына қойылды. Егер борышкер қарызын ерікті түрде он күн ішінде төлемесе мүлік саттылады да, одан түскен кіріс алименттік борышты өтеуге жұмсалады.

Бұл санаттағы адамдарға қатысты рейдтік іс-шаралар бұдан әрі тұрақты түрде өткізілетін болады.




Жоғары қарай