Ауа райы
Астана -25 °С
Алматы -9 °С
валюта бағамы
USD 421.58
EUR 496.83
RUB 5.53
CNY 62.20

Қарағандыда «Арай» базары өртенді

2020 жылдың 21 қазан 2020 09:43

ҚАРАҒАНДЫ. ҚазАқпарат – Қарағандыда түн жарымында «Арай» базары өртенді, деп хабарлайды ҚазАқпарат тілшісі.

Төтенше жағдайлар министрлігінің ресми өкілі Талғат Уәлидің хабарлауынша, 21 қазанда сағат 00:07-де Қарағанды қаласындағы «Арай» базарындағы өрт туралы хабар түскен.

«Өрт сөндірушілердің оқиға орнына бару уақыты 6 минутты құрды. Келген сәтте базар аумағында контейнерлер ашық жалынмен жанып жатқаны анықталды. Нысанның электр тоғынан ажыратылмағаны, сондай-ақ жақын тұрған басқа контейнерлерге оттың ауысу қаупінің болуымен өртті сөндіру қиындай түскен. Өрт сөндірушілер жапсарлас орналасқан контейнерлерді ашып, олардан материалдық құндылықтарды құтқарып қалды», - деп хабарлады Талғат Уәли.

Өртті сөндіруге Қарағанды облысы ТЖД-нің 50 адамы мен 11 техникасы жұмылдырылды. Қабылданған шаралардың арқасында өрт 01:23-те сөндірілді. Өрт 14 сауда контейнерінде 200 шаршы метрлік аумақты алған.

Жанып жатқан контейнерлердің бірінде өрт сөндірушілер үлкен сомадағы ақшаны тауып, оны иесіне қайтарды. Зардап шеккендер жоқ. Өрттің себебі анықталуда.





Жоғары қарай