Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қарағандыда автокөлік өртену жағдайлары жиілеп кетті

2021 жылдың 28 қазан 2021 09:21

ҚАРАҒАНДА. ҚазАқпарат – Екі апта ішінде Қарағанды облысының аумағында автомобиль көлігінде 14 өрт болды. Жыл басынан бері облыста барлығы 198 көлік өрті тіркелген, деп хабарлайды ҚазАқпарат тілшісі.

Автокөліктегі өрттердің негізгі себебі - отын немесе электр жүйесінің ақауы (электр сымдарының қысқа тұйықталуы).

Қысқы уақытта да өрт қатып қалған көліктерді ашық отты қолдану арқылы жылыту кезінде болады.

«Механизмдер мен электр жабдықтарының ақауларымен автокөлік құралдарын ұзақ уақыт бойы пайдалану, әртүрлі қосымша электр жабдықтарын рұқсатсыз пайдалану көбінесе электр жабдықтарының қызып кетуіне, сондай-ақ қысқа тұйықталуына әкеледі. Автокөлік иелеріне көлікке уақытылы техникалық қызмет көрсетуден өту және жөндеу жұмыстарын жүргізу, жарамды өрт сөндіргіш салып жүру ұсынылады», - деп хабарлады Қарағанды облысы ТЖД баспасөз қызметі.




Сонымен қатар өрт сөндірушілер көлікті от шарпыған кезде не істеу керектігін айтты:

- Егер автомобиль жанса, 101 нөміріне қоңырау шалуды ұмытпаңыз;

- Өрт сөндірушілер келгенге дейін өрт сөндіргішті алып, капотты сәл ашып, өрт сөндіргіш затты капот астындағы кеңістікке бағыттаңыз;

- Сондай-ақ өртті сөндіру үшін құм мен жерді пайдалануға болады.

















Жоғары қарай