Ауа райы
Астана 14 °С
Алматы 13 °С
валюта бағамы
USD 405.69
EUR 455.51
RUB 5.72
CNY 57.42

Қарағандылық түлек Азияның беделді жоғары оқу орындарына грант жеңіп алды

2020 жылдың 2 маусым 2020 15:28

ҚАРАҒАНДЫ. ҚазАқпарат - Қарағанды қаласындағы Назарбаев Зияткерлік мектебінің түлегі Жәния Смағұлова Азия елдерінің танымал университеттеріне толық грант алды, деп хабарлайды ҚазАқпарат облыс әкімдігінің ресми сайтына сілтеме жасап.

Олардың арасында Оңтүстік Кореядағы Ульсан Ұлттық Ғылым және технология университеті (UNIST) және Гонконгтың Қытай университеті бар.

Ұзақ ойланғаннан кейін Жәния Ульсан Ұлттық Ғылым және технология университетін таңдады. Университет Оңтүстік Кореяның өнеркәсіптік астанасы – Ульсан қаласында орналасқан.

Оқу орны 2009 жылы құрылған, бірақ өз зерттеулерінің арқасында қысқа уақыт ішінде әлемдік деңгейдегі университет деңгейіне көтерілген.

«UNIST - Оңтүстік Кореядағы ең үздік университеттердің бірі. Мен үшін олардың қатарында болу үлкен құрмет. Университет маған жан - жақты дамуға және креативті және талантты студенттермен жаңа жобалар жасауға мүмкіндік береді деп ойлаймын», - дейді Жәния.

Университетте қарағандылық қыз бала Халықаралық экономика мен қаржыны зерттеймін деп жоспарлап отыр.

«Болашақта мен осы сала бойынша дамуды жалғастырып, экономикамыздың өркендеуіне өз үлесімді қосқым келеді», - деп атап өтті ол.


Жоғары қарай