Ауа райы
Астана 21 °С
Алматы 20 °С
валюта бағамы
USD 411.54
EUR 458.13
RUB 5.84
CNY 57.64

Карантин кезінде отшашу атқан елорда тұрғыны ұсталды

2020 жылдың 6 сәуір 2020 11:04

НҰР-СҰЛТАН. ҚазАқпарат – Полиция қызметкерлері карантин режимін бұзып, түнгі уақытта бірнеше рет петарда атқан 34 жастағы ер адамды ұстады, деп хабарлайды ҚазАқпарат Нұр-Сұлтан қаласы полиция департаментінің баспасөз қызметіне сілтеме жасап.

Полицейлер тәртіп бұзушыға қатысты ҚР Әкімшілік құқық бұзушылық кодексінің 436-бабы 1-бөлімі («елді мекендерде пиротехникалық бұйымдарды қолдану») және 476-бабының 6 бөлімі («төтенше жағдай режимін бұзу») бойынша хаттама толтырды. Материал Нұр-Cұлтан қаласының Мамандандырылған ауданаралық әкімшілік сотына жіберілді.

Полиция департаменті елорда тұрғындарына карантин кезінде үйден себепсіз шыққандар әкімшілік жауапкершілікке тартылатынын тағы ескертеді.


Басты сөздер: Карантин, ҚР ІІМ, Нұр-Сұлтан,
Жоғары қарай