Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Каратэші Нұрқанат Әжіқанов Олимпиадаға лицензия жеңіп алды

2021 жылдың 13 маусым 2021 02:11

ПАРИЖ. ҚазАқпарат - Франция астанасы Парижде өтіп жатқан каратэден лицензиялық турнирде қазақстандық Нұрқанат Әжіқанов чемпион атанып, Токио Олимпиадасына жолдама жеңіп алды, деп хабарлайды ҚазАқпарат.

ҚР Ұлттық Олимпиада комитетінің ақпаратына сәйкес, 75 келіге дейінгі салмақта сынға түскен Нұрқанат турнирде барлық қарсыласынан басым түсіп, жеңімпаз атанды.

Жарыс ережесі бойынша турнирде үздік үштікке енген каратэшілерге Олимпиада жолдамасы беріледі. Әжіқановтың салмағында күміс жүлдені Германия, қоланы Венгрия спортшылары иеленді.

Осылайша, Нұрқанат Әжіқанов каратэден үшінші жолдаманың иегері атанды. Бұған дейін Дархан Асаділов пен Мөлдір Жаңбырбай Токио ойындарына лицензия алған болатын.

Сондай-ақ Қазақстан атынан сынға түскен Сабина Захарова төртінші орын иеленіп, Олимпиададан сырт қалды.

Катадан бақ сынаған Мәди Қатешов 1/16 айналымнан өте алған жоқ.

Айта кетейік, Қазақстан бүгінге дейін спорттың 26 түрінен Олимпиадаға 70 жолдама жеңіп алды.


Басты сөздер: Спорт, Қоғам, Олимпиада,
Жоғары қарай