Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қару ұстап суретке түскен астана тұрғыны қамауға алынды

2021 жылдың 28 маусым 2021 18:02

НҰР-СҰЛТАН. ҚазАқпарат – Полиция «Вконтакте» әлеуметтік желісіне қару ұстап түскен суретін салған елорда тұрғынын ұстады, деп хабарлайды ҚазАқпарат тілшісі.

Нұр-Сұлтан қаласы полиция департаментінің баспасөз қызметі астаналық жігіт әскери киіммен қару асынып суретке түсіп, оны «ВКонтакте» әлеуметтік желісінде жариялағанын жазады. Ал қала тұрғындарының бірі «102» -ге хабарласып, әлеуметтік желіде ұлына қару ұстап суретке түскен белгісіз адамнан ертең елордада «көңілді болатыны» туралы хабарлама келгенін айтқан.

«Посттың авторы ұсталып, полицияға жеткізілді. Ол 23 жастағы елорда тұрғыны болып шықты. Airsoft-ке әуестігі бар жігіт бұл посты «ВКонтакте» парақшасында жазылушылар санын көбейту үшін жариялағанын айтып отыр. Аталған фактқа қатысты Қылмыстық кодекстің 287-бабы бойынша сотқа дейінгі тергеу жүргізілуде. Соның аясында атыс қаруының кімге тиесілі екенін анықтау үшін баллистикалық сараптама тағайындалды. Полиция департаменті қаруды заңсыз иемденгені, бергені, өткізгені және сақтағаны үшін заң бойынша қылмыстық жауапкершілік қарастырылғанын ескертеді», - делінген департаменттің мәліметінде.


Автор Есімжан Нақтыбай
Басты сөздер: Нұр-Сұлтан, Оқиға,
Жоғары қарай