Ауа райы
Астана 12 °С
Алматы 12 °С
валюта бағамы
USD 421.58
EUR 496.83
RUB 5.53
CNY 62.20

Қаржы министрі тауар бағасын ұстап тұру неліктен мүмкін болмағандығын түсіндірді

2020 жылдың 28 қаңтар 2020 11:27

НҰР-СҰЛТАН. ҚазАқпарат - ҚР Премьер-Министрінің бірінші орынбасары - Қаржы министрі Әлихан Смайылов тауар бағасын ұстап тұру неліктен мүмкін болмағандығын түсіндірді, деп хабарлайды ҚазАқпарат тілшісі.

«Толықтай алғанда бізде тұтыну тауарлар бағасының өсімі желтоқсан айында 2018 жылдың желтоқсанымен салыстырғанда 5,4 пайызды құрайды. Ал азық-түлік тауарларының бағасы біршама жоғары өсім көрсетті», - деді ол Үкімет отырысынан кейін БАҚ өкілдерінің сауалына орай.

Дегенмен, оның дерегіне қарағанда, инфляцияны бұған дейін болжанған 4-6 пайыз дәлізінде ұстап қалуға мүмкіндік болды.

«Жалпы барлық тұтыну тауарларына баға тұрақтылығы монополистермен реттелетін коммуналдық қызметтер тарифтерін төмендету есебінен қамтамасыз етілді. Биыл азық-түлік тауарлары бағасының өсімін біз таргеттеп отырған 4-6 пайыздық дәлізде ұстап тұру үшін барлық күш-жігерді жұмсаймыз», - деді Әлихан Смайылов.


Жоғары қарай