Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Каспий теңізі бойынша Жоғары деңгейдегі жұмыс тобының отырысы өтті

2022 жылдың 28 мамыр 2022 14:19

ТЕГЕРАН. ҚазАқпарат - 23-24 мамырда Тегеранда Каспий теңізі мәселелері жөніндегі Жоғары деңгейдегі жұмыс тобының төртінші отырысы өтті. ҚазАқпарат бұл туралы ҚР Сыртқы істер министрлігіне сілтеме жасап хабарлайды.

Келіссөздерге Қазақстан Республикасының (басшысы – З.А.Аманжолова), Әзербайжан Республикасының (басшысы – Х.А.Халафов), Ресей Федерациясының (басшысы – М.И.Петраков) және Түрікменстанның (басшысы – М.Г.Атаджанов) делегациялары қатысты.

Отырыста Иран Ислам Республикасы делегациясының басшысы М. Баримани төрағалық етті.

«Отырыстың күн тәртібіне сәйкес Каспий теңізінде тікелей бастапқы сызықтарды белгілеу әдістемесі туралы келісім жобасы талқыланды. Бұл құжатты келісу одан әрі жалғасатын болады.

Тараптар Түрікменстанда өтуі жоспарланған Алтыншы Каспий саммитіне дайындалуға қатысты мәселелерді қарастырды, сондай-ақ Каспий теңізіндегі ынтымақтастықтың түрлі бағыттары бойынша пікір алмасты.

Делегациялар өткен келіссөздерге оң баға беріп, отырысты жоғары деңгейде ұйымдастырғаны үшін Иран Ислам Республикасына ризашылықтарын білдірді», - делінген хабарламада.

ҚР СІМ мәліметінше, Каспий теңізі мәселелері жөніндегі Жоғары деңгейдегі жұмыс тобының келесі отырысы Түрікменстанда өтеді. Оның датасы дипломатиялық арналар арқылы келісілетін болады.


Жоғары қарай