Ауа райы
Астана 15 °С
Алматы 15 °С
валюта бағамы
USD 387.34
EUR 428.44
RUB 6.04
CNY 54.58

Қасым-Жомарт Тоқаев «Anadolu Group» компаниясының президентін қабылдады

2019 жылдың 4 шілде 2019 14:16

НҰР-СҰЛТАН. ҚазАқпарат - Қазақстан Президенті «Anadolu Group» компаниясының президенті Тунджай Озильханды қабылдады, деп хабарлайды ҚазАқпарат Ақорданың баспасөз қызметіне сілтеме жасап.

Қасым-Жомарт Тоқаев «Anadolu Group» компаниясының тобы әлемде, соның ішінде Қазақстанда танымал екенін және түрлі салада табысты дамып келе жатқанын атап өтті. Мемлекет басшысы компанияның ел экономикасына қосқан үлесін жоғары бағалады.

Тунджай Озильхан Қазақстан Президентіне кездесуге мүмкіндік бергені үшін алғыс айтып, компанияның бизнестің жаңа салаларын игеруге мүдделі екенін айтты.

Қазақстан Президенті мен компания басшысы адам капиталын, «қарапайым заттар» экономикасын дамыту, отандық тауарлардың экспорттық әлеуетін арттыру және Қазақстанның инвестициялық климатын одан әрі жақсарту мәселелері бойынша пікір алмасты.

Жоғары қарай