Ауа райы
Астана -17 °С
Алматы -1 °С
валюта бағамы
USD 421.58
EUR 496.83
RUB 5.53
CNY 62.20

Қайырымдылық: Түркістан облысының Жетісай ауданында 6 отбасы баспаналы болды

2020 жылдың 9 қараша 2020 15:18

ТҮРКІСТАН. ҚазАқпарат – Түркістан облысының Жетісай ауданында баспана тауқыметін тартып жүрген 6 отбасыға барлық жағдайы жасалған жаңа үйлердің кілттері табыс етілді, деп хабарлайды ҚазАқпарат Түркістан облысының Өңірлік коммуникациялар қызметіне сілтеме жасап.

Игі іс Қазақстан мұсылмандар діни басқарамсының 30 жылдық мерейтойына орай, «Зекет» қорының «Ел үлесі – пәтерге» жобасы аясында атқарылды.

Баспаналардың жалпы құны 90 миллион теңгені құраған.

«Халық арасында «жұмыла көтерген жүк жеңіл» деген керемет сөз бар. Осы орайда, әрқашанда халықтың мұң-мұқтажын тыңдап көмек беріп келген елдің анасы атанған Жамал апамызға және оның ісін жалғастырып жүрген ұлы, белгілі кәсіпкер Бахараддин Аблазимовке елдің атынан алғысымды айтамын. Ауданда қайырымдылық арқылы баспана сыйлаудың жарқын үлгісін Жамал апамыз көрсетіп, көпке үлгі бола білді. Бұл орайда жергілікті тұрғындардың ерекше белсенділігін айта кеткеніміз абзал. Әрбір баспананы салу барысында еріктілер тобының және жомарт жандардың еңбегі ерекше. Олар іргетастың қаланған сәтінен тұрғын үй салынып біткенше, істің басы-қасында жүрді. Қайырымдылық жасау арқылы ауданның әрбір азаматы өзінің қолында бар дүниесімен бөлісіп, мұқтаж азаматтардың баспаналы болуына өз үлестерін қосуда. Алдағы уақытта да осындай баспана салу үшін жер телімдерін тегін бере отырып, мұқтаж жандарға қажетті жағдайды жасайтын боламыз», - деді аудан әкімі Жамантай Бейсенбаев.

Баспана тауқыметін 16 жылдан бері тартып келе жатқан жалғызбасты көпбалалы ана Жәудір Төреханова жаңа қоныстанушылар атынан өз алғысын айтты. Сондай-ақ, Жетісай ауданының орталық мешітінің бас имамы Жорабай Дулатбаев бұл істің негізгі ұйымдастырушысы әрі бастамашысының бірі Бекзат Сыздыков сынды азаматтар екенін тілге тиек етіп, алдағы уақытта да қайырымдылық шаралары жалғасын табатынын жеткізді.

















Жоғары қарай