Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қазақ тілін меңгеруге деген талпынысты ынталандыру керек - Елбасы

2021 жылдың 28 сәуір 2021 17:05

НҰР-СҰЛТАН. ҚазАқпарат – Қазақстан халқы Ассамблеясының XXIX сессиясында ҚР Тұңғыш Президенті-Елбасы, ҚХА Төрағасы Нұрсұлтан Назарбаев қазақ тілін меңгеруге талпынған адамдардың ұмтылысын ынталандыру керектігін айтты, деп хабарлайды ҚазАқпарат тілшісі.

Мемлекеттік тілдің біріктіруші рөліне тоқталған Елбасы, «бұл процесс барша әлемде табиғи құбылыс. Сондықтан қазақ тілін түсініп, меңгеруге деген талпынысты қолдап, барша жерде ынталандыруымыз керек», - деді.

Осы орайда Н. Назарбаев Қазақстан халқы Ассамблеясы бұл бағытта елеулі рөл атқарып келе жатқанын атап өтті. ҚХА жұмысы аясында өзге ұлт өкілдері қазақ тілін жақсы меңгеріп алды.

«Бұл бағыттағы талпынысты байқап отырмыз. Қаншама жастар Ассамблея атынан өмірге жолдама алды. Ассамблея айналасындағы жұмыс барысында мемлекеттік тілді меңгеруге мүмкіндік жасалды. Қазіргі кезде бұл адамдар жауапты қызметтерде жүр, бірнеше тілде емін-еркін сөйлей алады», - деді Елбасы.

Бұдан бұрын хабарланғандай, бүгін Елбасының төрағалығымен Қазақстан халқы Ассамблеясының «Бірліктің, татулық пен келісімнің 30 жылы» атты XXIX сессиясының жұмысы басталды.

Нұрсұлтан Назарбаев әлем елдерінің Қазақстанға қатысты сенімі туралы пікір білдірді.


Жоғары қарай