Ауа райы
Астана -6 °С
Алматы -1 °С
валюта бағамы
USD 381.10
EUR 420.81
RUB 5.65
CNY 54.57

Қазақстан авторлық тур бойынша – ТМД елдерінің үздік үштігінде

2020 жылдың 22 қаңтар 2020 12:29

НҰР-СҰЛТАН. ҚазАқпарат – ТурСтат туристік порталы авторлық тур бойынша ТМД елдерінің сұранысқа ие мемлекеттерін атады, деп хабарлайды ҚазАқпарат тілшісі.

«Қазақстандағы Алматы қаласы мен Алматы облысы, Бурабай мен Ақтау, Беларусьтегі Минск, Минск облысы мен Витебск, Әзербайжандағы Баку, Шеки мен Габала, Армениядағы Ереван мен Севан, Өзбекстандағы Бұқара мен Самарқан авторлық тур бойынша сұранысқа ие бағыттар болынп саналады», - деп хабарлайды ТурСтаттан.

Қазіргі таңда авторлық тур – туризмнің танымал болып келе жатқан түрі. Әсіресе, трэвел-блогерлерді авторлық турлар мен экскурсиялар ерекше қызықтыратын көрінеді. Жалпы, авторлық тур дегеніміз – 5-15 адамнан тұратын топтың трэвел-сарапшылармен бірге турға шығуы.

«Сұранысқа ие турлардың қатарына – гастрономиялық, экскурсиялық, треккинг-турлар, экспедициялар, джип және фото-турлар жатады. Бір апталық авторлық тур үшін туристер 1-1,5 мың долларға дейін ақша жұмсауға дайын», - делінген келтірілген мәліметте.

ТурСтат аталмыш рейтингті авторлық турлар мен демалысқа қатысты ұсыныстарды талдай отырып жасаған.


Автор Аян Бекенұлы
Басты сөздер: ТМД, Туризм, Қоғам,
Жоғары қарай