Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Қазақстан бақытты елдердің әлемдік рейтингінде 40-орынға тұрақтады

2022 жылдың 24 наурыз 2022 13:03

НҰР-СҰЛТАН. ҚазАқпарат – Қазақстан бақытты елдердің әлемдік рейтингінде 40-орынға тұрақтады, деп хабарлайды ҚазАқпарат тілшісі.

2019-2021 жылдардың аралығында 3 жыл бойы жүргізілген рейтинг әлемдік сауалнама нәтижелерінің орташа көрсеткішіне негізделген.

Рейтингке әлемнің 146 елі кіреді.

Оған сәйкес, ең бақытты елдердің көшбасында Финляндия болса, одан кейінгі орындарға Дания мен Исландия жайғасқан.

Төртінші орында Швейцария тұр. Ал үздік бестікті Нидерланд қорытындылайды.

Сонымен қатар үздік ондықтың қатарына Люксембург, Швеция, Норвегия, Израиль, Жаңа Зеландия елдері кіреді.

Еуропалық елдердің ішінде Германия 14-орында тұр. Ал АҚШ 16-орынға жайғасқан. Біріккен Араб Әмірліктері 24-орында.

Қазақстанның орны - 40, ал көршілес Өзбекстан 53-орынға, Қырғызстан 54-орынға, Беларусь 64-орынға, Ресей 80-орынға, Армения 82-орынға, Тәжікстан 83-орынға, Әзербайжан 92-орынға орналасқан.

Рейтингтің ең төменгі орындарында тұрған елдер мыналар: Зимбабве, Ливан, Ауғанстан.


Автор Марлан Жиембай
Басты сөздер: Рейтинг, Әлем, Статистика,
Жоғары қарай