Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қазақстан ДСҰ-ға мүше елдер министрлерінің конференциясына төрағалық етеді

2021 жылдың 31 мамыр 2021 18:28

НҰР-СҰЛТАН. ҚазАқпарат - Қазақстан Дүниежүзілік сауда ұйымына мүше елдер министрлерінің конференциясына төрағалық етеді. Бұл туралы Қазақстан Президенті Қасым-Жомарт Тоқаев Дүниежүзілік сауда ұйымының Бас директоры Нгози Оконджо-Ивеаламен видео конференция форматында кездесу барысында айтылды, деп хабарлайды ҚазАқпарт.

Кездесуде Қазақстанның төрағалығымен өтетін ДСҰ-ға мүше елдер министрлерінің 12-ші конференциясына дайындық мәселелеріне ерекше назар аударылды.

«Біз үшін биылғы қарашаның соңы желтоқсанның басында өтетін ДСҰ-ға мүше елдер министрлерінің 12-ші конференциясына төрағалық ету үлкен мәртебе. Қазақстан Үкіметі ортақ іс-шарамыздың барлық мазмұндық және ұйымдастырушылық мәселелеріне қатысты пысықтау жұмыстары бойынша ДСҰ Хатшылығымен тығыз ықпалдастық орнатады», – деді Мемлекет басшысы.

Президенттің айтуынша, Қазақстан көпжақты сауда жүйесін белсенді жақтайтын болғандықтан, Конференцияның нақты нәтиже әкелуіне мүдделі. Сондай-ақ күн тәртібіндегі барлық шешілмеген мәселелерді талқылауға өз тарапынан конструктивті түрде үлес қосуға дайын екенін жеткізді.


Жоғары қарай